نفسي اصدقك
نفسي اصدقك زى زمان
واشوف نظرة بريئة وحنان
قلبي بيبكى ولسه خايف منك
نفسه يحس الصدق في مشاعرك زي الاول من غير
خوف ولا عدم احساسه معاك بالامان
مستغرب ازاى عينيك الجميلة خدعت عنيا
وضحكتك الصافية قدرت تكدب عليا
هو اللي بيحب يقدر يكدب على حبيبه بسهوله ديا
ولا بتكدب لانك عارف انى مش حاسس ومفكرها حاجه عاديا
واصارحك بكدبك عليا تيجي وتقولي سامحنى اسف اخرة
مرة وبلاش عتاب لان انا حقيقي مكدبتش عليك
وكل مرة بخدع نفسي واغرق في دوامة عذاب
وانا مش عارف مسامحك ولا صابر علي كدبك
ولا الدنيا ضلمة ولا مرايتى سودا ولا دا طبعك
نفسي اصدقك بس خلاص اتعودت علي كدبك
ومش عارف بصدقك ولا قلبى بيخدع قلبك
لسه قلبي صادق ولا كدبك قتل البراءة فيه
خايف يكون بقي زى قلبك ومتقولش ليه
اكيد بقيت زيك والكدب في قلبي هتلاقيه
انت السبب والصدق معاك ملوش مكان يعيش فيه
الخيانة من طبعك والكدب في دمك ومخبيه
هنفضل نقول حب وغرام وعشق وهوى ..لكن الخداع والكدب في قلبك وبداريه
خسارة الاخلاص معاك مجروح و حزين انا بتمنى اكون معاك
واعيش ليك لكن استمرارك في الكدب كل يوم بيبعدني عنك بعيد
أ / شادى الغريب
